Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk, aprel ayınıñ 16-sında işlegen gumanitar koridorlarnıñ neticelerini añlattı.

Böylece, Cuma künü 1 449 tınç yaşağan vatandaşnı telükeli yerlerden tehliye etmege becerdik, dep o haberdar etti.

Bu cümleden, Meriupol ve Berdânsktan Zaporijjâğa öz naqliyatınen 1 381 kişi keldi.

Olardan:

▪️170-i – Mariupoldan;

▪️1 211-i – Zaporijjâ vilâyetiniñ (Poloğı, Vasılivka, Berdânsk ve Melitopol) şeerlerinden.

Muntazam ateşlerge baqmadan Severodonetsk, Rubijne ve Kreminna şeerlerinden 68 kişini tahliye etmege becerdik.

Aynı zamanda, İrına Vereşçuk, muntazam ve şiddiy ateşler sebebinden Lısıçansknıñ tınç yaşağan sakinleriniñ tahliyesiniñ bozulğanını haberdar etti.