Aslında balalarnı hırsızlağan devlet, halqara seviyede mesüliyetke çekmelidir. İçtimaiy siyaset nazirinen ve UNICEF (BMTnıñ Bala fondu) delegatsiyasınen körüşüv vaqtında Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk bunı qayd etti.

«Halqara gumanitar uquqqa deñişmeler {kirsetmek} kerek, çünki rf iç bir qanun ve şartname tanımay», – dep İrına Vereşçuk qayd etti.

Ruslarnıñ ukrain balalarını qanunsız evlât etinmeleri içün böyle degen “DHC/LHC”niñ topraqları üzerinden rfna yollamağa tırışqanında çoq sayıda vaqia zaten bellidir. Yaqın kelecekte rf, bu qanunsız yol-yoruqnı uquq olaraq sadeleştirmege ve tezleştirmege azırana.

Ukraina halqara cemaatqa, BMTnıñ bala aqları eyyetine bu zalım cinayetke qarşılıq köstermege ve mecburen sürgün etilgen balalarnı evine qaytarmağa yardım etmege çağıra, dep İrına Vereşçuk bildirdi.