Şu anda Mıkolayiv vilâyetiniñ tahminen 20 meskün yeri işğal astında buluna. Raqam dos-doğru olmaya bilir, çünki deyerli er kün cebe sıñırı deñişir. Rus tecavuzcıları, vilâyetini zapt etme planlarından vazgeçmeyler. Ücümleri neticesinde insanlar öldürilir ve yaralanır, mesken ve astyapı viran etilir.

Aprel ayınıñ 21-inden itibarınen

MIKOLAYIV VİLÂYETİ

Mıkolayiv vilâyetine rus tecavuzınıñ başlanğıcından 2,6 biñ grajdan obyekt ya qısmen ya da tamamınen bozuldı.

Eñ çoq zarar körgenler arasında:

• mesken fond – 1,9 biñ;
• tibbiy müessise – 26;
• oquma müessisesi – 129;
• medeniyet müessisesi – 58;
• sanayı müessisesi – 23;
• yaşayış teminatı obyekti: gaz 101 (1,6 biñ qullanıcı), elektrik – 236, suv 8,qızdıruv – 7;
• arbiy olmağan başqa obyekt – 132.

Baştan ve Mıkolayiv rayonlarınıñ 90dan ziyade (7 qısmen) meskün yeri elektriksiz ve suvsız qaldı. Yañıdan tikleme işleri, bu cümleden “Mıkolayivoblenergo”nıñ altı ast stantsiyasında devam eter.

Arbiy areketler neticesinde şeerge suv teminatınıñ yapılğanı “Dnipro-Mıkolayiv” suv bırusı bozuldı. Bunıñ içün sakinler, rezervuar-toplanıcılardan, artezian araçıqlardan ve temizleme ve paketleme kollektiv tertibatlarından suv alırlar.

Vilâyetinde göñülli tehliye keçirilir. Umumen onıñ sıñırını 17,5 biñ kişi keçti. Eñ çoq Mıkolayiv şeerinden, Mıkolayiv, Voznesensk ve Baştan rayonlarında.

Dercde qullanılğan malümat Mıkolayiv vilâyet arbiy memuriyetiniñ resmiy Facebook saifesinden alındı. Şu anda nezaretimiz astında olmağan topraqlardaki vaziyetke dair tolu ve doğru isaiyat bermek imkânsız.