“Ukraina 24” telekanalınıñ canlı yayınında Ukraina vitse baş naziri İrına Vereşçuk, şu anda teşkilâtta biñden ziyade qadın, bala ve 500den ziyade yaralanğan olğanını añlattı.

«Askerlerimiz teslim olmaycaqlar, – dep o ayttı. – Çünki “Azovstal”da garjdanlar bar – bu ise biñden ziyade qadın ve bala, 500den ziyede yaralanğan, olarnıñ arasında da ağır yaralanğanlar bar! Çıqma aqqına saiplardır! Bunı epsini rusiyege añlattıq. Anda ne qadar çoq grajdan kişiniñ olğanını bileler».

O añlattı ki, şimdi o yerge ketmek imkânsız – gumanitar koridornı açmaq ta: rusiye bombardıman eter, raketa ücümleri yapar, piyadelerni ateşke tutar.

«Ve men, tüm dünya cemaatınıñ “Azovstal”da şu anda ne olğanını tam olaraq bilmesini ve menimsemesini isteyim», – dep İrına Vereşçuk qayd etti.

«Olar (işğalciler – muar.) iç bir aytışmalarğa ketmege istemeyler. Ve bu, ceza alınacaq arbiy bir cinayettir», – dep memur inandırdı.