Ukrainanıñ vaqtınca işğal etilgen topraqlarınıñ reintegratsiya meseleleri nazirligi, rfnıñ işğal ordusınıñ qaldırğan mina telükesi aqqında daa bir kere hatırlata.
Keçken künlerde devletniñ farqlı bölgelerinden grajdanlarnıñ patlayıcı şeylerde patlamalarınen bağlı malümat alınır.
Böylece, aprel ayınıñ 23-ünde Harkiv vilâyetinde duşman minanen maşnanıñ patlaması neticesinde eki erkek öldürildi. Aynı vaziyet Kıyıv vilâyetiniñ tecavuzcılardan azat etilgen İrpinde oldı – yük maşnası, duşman minada patladı, aydayıcı ayatını qaybetti.
Herson vilâyetiniñ Pravıdne köyünde eki tınç yaşağan vatandaş, patlayıcı aletniñ patlanğanı sebebinbden yaralandı.
Zaporijjâ vilâyet arbiy memuriyetiniñ malümatına köre, arbiy areketler devam etkeni Poloğı rayonında eki mina patlaması oldı – vatandaşlar yaralandı.
Daa bir kere çağıramız: mina telükesi qaidelerini ihmal etmeñiz! Şübeli şeylerniñ yanına kelmeñiz ve olarğa toqunmañız!
Telükeni tesbit etkende 101, 102, 112 nomeralarınen mahsus hızmetlerge telefon etiñiz ve başqalarnı telüke aqqınnda haberdar etiñiz.