Bugün Reintegratsiya nazirliginiñ emrinen, esasında mayıs ayınıñ 1-inden devlet içinde alınğan kişilerge ödemeler yapılacaq yañartılğan bir cedvel tasdıqlandı. Hatırlatamız ki, bu cedvel sabit bir vesiqa degil, muntazam tarzda yañartılır.
Ukrainanıñ vaqtınca işğal etilgen topraqlarınıñ reintegratsiya meseleleri nazirligi, 2022 s. aprel ayınıñ 27-si itibarınen arbiy (cenk) areketler zonalarında ya da VİET yerleşken ve qırşavlanğan (bloklanğan) rayonlarda yerleşken territorial cemaatlarnıñ yañartılğan cedvelini tasdıqladı.
Mezkür emir, Ukraina Nazirler Kabinetiniñ 2022 s. aprel ayınıñ 16-sındaki № 457 “Rusiye Federatsiyasınıñ Ukrainağa qarşı arbiy tecavuzı neticesinde zarar körgen ealiniñ bazı kategoriyalarınıñ destegi aqqunda” qararınıñ talaplarını yerine ketirmek içün azırlandı.
Haberdar etkenimiz kibi o, Mudafaa nazirliginiñ tasdıqlamasınen maqbul vilâyet ve Kıyıv şeer arbiy memuriyetleriniñ teklifleri esasında şekillendirilir.
Esaslanğan üç kriteriy bar:
- vaqtınca işğal etilgen topraqlar;
- qırşavlanğan (bloklanğan) topraqlar;
- faal arbiy areketler olğanı topraqlar.
Aprel ayınıñ 27-si itibarınen cedvelge 8 vilâyet kirsetildi, bu cümleden: Dnipropetrovsk (2 cemaatı), Herson (49 cemaatı), Harkiv (51 cemaatı), Mıkolayiv (4 cemaatı), Donetsk (66 cemaatı – tüm), Lugansk (37 cemaatı – tüm), Odesa (1 cemaatı) ve Zaporijjâ vilâyetleriniñ territorial cemaatları.
Qayd etemiz ki, cedvelge Donetsk ve Lugansk vilâyetleriniñ tüm cemaatları kirsetildi. Yani mayıs ayınıñ 1-inden bu cemaatlarda qayd etilgen devle içinde alınğan er kes kefaletli tarzda devletten para yardımını alacaq.
Böylece, mezkür vilâyetlerniñ birinde qayd olsañız, cedvelde cemaatıñız olmasa, siziñ arbiy memuriyetiñizge hitap etmege tavsiye etemiz (şahsen ya da sıcaq hat vastasınen) ve malümatnı soraya bilirsiñiz.
Qoşmağa isteymiz ki, mayıs ayından Reintegratsiya nazirligi, Raqam nazirliginen beraber vaqtınca işğal etilgen, qışavlanğan (bloklanğan) ve faal arbiy areketlerniñ olğanı topraqlar kerçek vaqıtlı olaraq kösterecek bir raqamiy platformanı başlatmaya planlaştırır.