Baarnıñ eñ sıcaq ayı olğan Mayıs ayı keldi: kezinme, şeer tışındaki evlerni ziyaret, çiçekliklerni abadanlaştırma, bostanda çalışmalar ananeviy vaqtı keldi.

Faqat bu sene Reintegratsiya nazirligi, imkân olsa, bostan ve çöllerde vaqıt keçirmege vazgeçmege ve diqqatlı olmağa çağıra. Şeer tışı açıq yerleri: ormanlar, çöller, alançıqlar minalaştırılğan ola bilir. Bu da tar soqaqlarğa, topraq yollarına ve köpürlerge bağlı.

Bundan ğayrı, minalar ve başqa patlamağan patlayıcı şeyler diger yerlerde de tapıla bilir:

• terk etilgen evlerde;

• soqaqlarda;

• bala meydançıqlarında.

Vilâyet arbiy memuriyetleriniñ emirleri, yaşama telüke ete bilecegi içün ormannı ziyaret etmege yasaqlağanını hatırlatamız.

Diqqat etiñiz ve hatırlañız:

1. Devlet organlarınıñ da yerli akimiyetniñ resmiy izininden soñ eviñizge, işğalden azat etilden rayonlarğa qaytıñız.

2. Qaranlıq yerlerde qalmañız ve körmeyip iç bir şey açmañız.

3. Yalñızca teşkerilgen ve sert yüzlü yollarda ketiñiz. Ormalar ve çöllerde yürmeñiz.

4. Patlayıcı şeyni tapqanda – telükesiz bir mesafege ketiñiz ve 101 ya da 102 noremağa telefon etip mütehassıslarnı bildiriñiz. Mahsus hızmetlerniñ kelmesini bekleñiz ve tehdidini öz başına zararsız bir alğa ketirmege tırışmañız.