burger

İşğalden azat etilgen Kıyıv vilâyeti: yañından qurmaq ve oña diqqatnen baqmaq

Опубліковано 4 May 2022 року, о 21:35

Ukrainanıñ cenübi ve şarqı duşmannıñ ücümini toqtatmağa devam etkende, Kıyıvnıñ şimaliy civarlarına insanlar yavaş yavaş qaytalar. Bir qaç afta evel Romanivka qasabasında İrpin, Buça, Ğostomel ve Vorzelni paytahtınen bağlanğan sepilgen vaqtınca köpür açıldı. Aynı zamanda, yerli akimiyet qaytmağa aşıqmamağa teklif ete. Qaytmağa qarar berseñiz, diqqatlı olmağa çağıra. Duşman, çoq öldürici demirni qaldırdı.

Mayıs ayınıñ 4-ünden itibarınen

KIYIV VİLÂYETİ

İşğalden azat etilgen topraqlarğa birinciden FVDHniñ mütehassısları kireler. Olarnıñ missiyası minasızlaştırmaq. Tünevin qurtarıcılar,  Buça ve Vışhorod rayonlarında umumen 14 meskün yerini ve Brovarı rayonınıñ 6 meskün yerini teşkerdiler. Bu vaqıt devamında 339 patlayıcı şey zararsız bir alğa ketirildi. Umumen minasızlaştırmanıñ tüm vaqtı devamında deyerli 28 biñ patlayıcı şey zararsız bir alğa ketirildi.

Ukraina Silâlı Quvetleriniñ minalardan temizlenmesi ve izin almasından deral soñ elektrikçiler işke başlaylar. Olar İrpin, Buça, Ğostomel, Romanivka, Dmitrivka, Andriyivka ve diger meskün yerlerge ışıq qaytarmağa devam eteler. Bu cümleden, turmuş qullanıcılarnıñ noqta hitapları üzerinde çalışalar. Tünevin biñ beş yüzden ziyade ailede ışıq peyda oldı. 29 şeerde be qasabada 16,2 biñ elektriksiz qala.

118 meskün yerde gaz teminatı yañıdan tilkendi. Brovarı, Vışhorod ve Fastiv rayonlarınıñ 50 meskün yerinde iş tamamınen bitirildi. Buça rayonınıñ 68 meskün yerinde ise qısmen bitirildi. Moşçun ve Poçepın tamamınen, İrpin, Ğorenka ve Zabuççâ qısmen gazsız qala.

Merkezleştirilgen suv teminatı da yavaş yavaş yañıdan tiklene. Yoq olğanı 123 meskün yerden 121-inde suv peyda oldı. Ğostomel şşq, Cerela ve Kuhari qasabalarında suv, elektriknen beraber peyda olur. Borodânka şşqnıñ uv teminatı boruları endi suvnen tolu, faqat ciddiy teşikler sebebinden işniñ bölünüvleri ola. Qaza hızmetleri olarnı tamir etmek içün er vaqıt çalışa.

Işıq, elektrik ve gaznıñ olmaması – meseleniñ yarısı. Ev olmağanda daa yaramaydır. Kıyıv vilâyeti büyük çoq virane kördi. Biñlerce aile evsiz qaldı.

Keçenlerde vilâyet arbiy memuriyetinde bölgeniñ eñ büyük inşaatçılarınen bir körüşme keçirildi. Yañı meskenniñ alınması ve qurulması meselesi muzakere etile edi. Keçenlerde ekspertler vilâyetindeki taşınmaz mallar bazarını talil etip ögrendiler ki, işletilgen dairelerniñ umumiy meydanlığı 42 biñ kvadart metrden ziyadedir. Şu anda bu dairelerniñ alınması içün tavsiye etilgen fiyatına dair mesleatlar keçirilir.

Bundan ğayre, eñ çoq viran etilgen İrpin ve Borodânsk şeerlerinde 50 biñ kvadrat metrli eki mesken kompleksniñ qurulması planlaştırılır. Artıq kerekli kommunikatsiyağa ve yol astyapısına yaqınlıqnı esapqa alıp inşaat içün maqbul topraq saylandı. Qurulma müddeti 5 ayğa qadar. Teklif etilgen leyha sığınaqlarnıñ, bala meydançıqlarınıñ, tasil müessiseleriniñ ve diger içtimaiy astyapımıñ olmasını esapqa alır.

Aynı zamanda Ukrainanıñ topraqlarında cenkniñ devam etkenini unutmamaq kerek. Keçken gece rus tecavuzcıları, işğalden azat etilgen Sumı vilâyetiniñ bir qaç meskün yerini helikopterler ve bir ateşli reaktiv sisteması vastasınen ateşke tutılar. Mektep ve astyapı obyektleri zarar kördi. Bunıñ içün cenk devam etkende vatandaşlarnı diqqatlı olmağa çağıramız.

Dercde, Kıyıv vilâyet arbiy memuriyetiniñ remiy Facebook saifesinden ve resmiy Telegram kanalından alınğan malümat qullanıldı.