Ukraina Prezidenti Volodımır Zelenskıy ve Vitse baş nazir İrına Vereşçuk şahsen onıñ qaytarılmasını kontrol ete ediler. Şimdi Reintegratsiya nazirligi ailesine tüm kerekli destek bere.

Ekiden ziyade ay devamında gece kündüz rejiminde ukrain akimiyeti, halqara ortaqlar, askerlerimiz ve mahsus hızmetlerimiz, ayatı Mariupolda telükege oğraşqan er bir tınç yaşağan kişiniñ qurtarma fırsatına saip olmaması içün küreşe edi.

Tüm mariupollılar içün cenk sebebinden öksüz qalğan 12 yaşındaki Kira Obedinskanıñ telükesizlikke ketirilmesi, Ukrainanıñ küreşiniñ bahtlı ikâyesidir. İlk kere qurtarılğan ve mecburiy tahliyeden evine qaytarılğan eki baladan biri edi.

Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk, bu qıznıñ işğalciden azat etilmesinen bağlı meseleni çezmek içün şahsen qatıldı. Bu cümleden, Kiranı azat etmek talabınen resmen rf insan aqları vekili Tetâna Moskalskağa hitap etti. Ve qayd etti ki, qartbabası onı dört köznen bekley ve ukrain balasınıñ taqdirine tecavuzcı bir devletten yat kişiler tesir etmemeli.

Aprel ayınıñ 26-sında Ukraina, qıznı böyle degen “DHC”den devletimizniñ nezareti astındaki topraqlarına qaytarmağa becerdi. Kıyıvda Kira, qartbabası Oleksandrnen artıq körüşti. “Ohmadıt” hastahanesinde qızğa kerekli tibbiy yardım berildi. Prezident Volodımır Zelenskıy ve Vitse baş nazir İrına Vereşçuk onı şahsen ziyaret ettiler.

Şu anda Kira hastahaneden yazılıp çıqarıldı ve qartbabasınen beraber göñülliler tarafından tapılğan dairede yaşaycaqları Çernivtsi şeerine keldiler. Böylece, İrına Vereşçuknıñ emrinen Reintegratsiya nazirliginiñ vekilleri Kiranıñ vaziyeti muntazam tarzda nezaret astında tutalar. Bu cümleden, ailege tüm kerekli, hususan maiyeviy, yardım berile. Müessise de Çernivtsige demiryol biletlerini ve vokzalğa ketmelerini ve trenge telükesiz binmelerini temin etti.

Bağlantığa basıp Kiranıñ tarihını tafsilâtlıca oquñız.