Ukraina Vitse baş naziri İrına Vereşçuknıñ yardımınen ve Ukrainadaki Qırmızı Haç Teşkilâtınen beraber bugün 50 qurtarılğan Mariupolnıñ sakini Zaporijjâdan Bukovelge çıqtı.

Qurşavda eki aydan ziyade vaqıt keçirgenleri ukrainalılar içün bu raatlama em ruhiy reabilitatsiya, em de kelecek ayatnı planlaştırmaq içün azırlıq basamağı olacaq. Çünki er kes añlay: şu anda Mariupolğa qaytamazlar.

Aynı zamanda Ukrainanıñ vaqtınca işğal etilgen topraqlarınıñ reintegratsiya meseleleri nazirliginde mariupollılarnıñ tınç raatlamaları içün er şey yapıldı. Vatandaşlarımız içün ruhiy destek dersleri alınıp berilecek, insanlar urbanen, gigiyena eşyalarınen, azıq mahsularınen temin etilecekler, maqbul para ödenecek.

Aynı zamanda Ukrainadaki Qırmızı Haç Teşkilâtı vatandaşlarımıznıñ ketecek yerine naqliyatını tamamınen ödedi.

Hatırlatamız ki, keçenlerde hatırlatqanımız ki, Vitse baş nazir İrına Vereşçuk “Azovstal”dan qurtarılğan balalarnen körüşti.