Ukraina Vitse baş naziri İrına Vereşçuk, Sağlıq naziri Viktor Lâşkonen beraber ruhiy sağlıqnı qorçalama ve rf silâlı tecavuzı neticesinde zarar körgen kişilerge ruhiy yardım berme meseleleri eyyetler arası koordinatsiya şurasında yolbaşçılıq eteler.

Bugün Ükümet öz oturışında şuranıñ teşkil etilmesi aqqında mezkür qararnı qabul etti, dep Ükümet portalı haberdar etile.

Ukrainadaki cenkniñ başlanğıcından berli böyle kişilerniñ sayısı tez bir şekilde arta. Bu cümleden laf, zorbalıq arekerlerinden zarar körgenler ve kompleksli ruhiy yardımğa ihtiyac duyğanlar aqqındadır.

Aynı zamanda, Ukrainanıñ deyerli tüm ealisi muntazam stresste yaşay, qoru ve telâş duya, ve bunıñ duyğulı vaziyetke menfiy tesiri bar ve ruh bozğunlıqlarınıñ inkişafınıñ sebebi ola bilir.

Böylece, ukrainalılarğa devlet tarafından ruhiy yardım berilmege dair areketlerniñ koordinatsıyasına ihtiyac peyda oldı.

Eyyetler arası koordinatsiya şurasınıñ esas vazifeleri:

• ruhiy sağlıqnı qorçalama saasında qarşılıqlı yardımnı yahşılaştırmaq içün akimiyet organlarınıñ ğayretlerini birleştirmek;

• zarar körgenlerge ruhiy yardım bermege dair qararlarnı acele tarzda bermek.