burger

Mecburen köçip kelgenler içün malümat: Macaristanda tibbiy yardım nasıl alınır?

Опубліковано 10 May 2022 року, о 12:35

Rfnıñ Ukrainağa tolu masştablı tecavuzından berli Macaristanğa yarım million vatandaşımız köçti. Ukraina SQN, bu avropa ülkesindeki çoqusı hastahanelerde mecburen köçip kelgen kişilerniñ ne tür tibbiy yardım ala bilecegini añlattı.

Macaristanda vaqtınca qorumağa ihtiyac olğan statusını alğan soñ ukrainalılar kelecek 6 ay devamında bedava tibbiy hızmet ala bilirler.

Daa sigorta vesiqalaştırğan soñ ukrainalılarnıñ aile ekimini saylanma aqqı, umumiy tibbiyetke, tibbiy teşkermelerine, acele allarda mahsus yardımmğa irişimge irişimini olacaq.

Macaristanda vaqtınca qorunmağa ihtiyac statusını vesiqalaştırmadan evel vatandaşlarımız böyle bedava tibbiy hızmetler ala bilirler.

Büyükler içün:

  • Acele tibbiy yardım.
  • Ginekologiya ve hamile olğanda teşkermeler.
  • Bedava ruhiy yardım.

Balalar içün:

  • Acele tibbiy yardım.

Bundan ğayrı, ilk 6 ay keçken ve sigorta alğan soñ ukrainalılarğa berilecek tibbiy hızmetler:

  • Profilaktika teşkermeleri.
  • İlk tibbiy yardım.
  • Mahsus statsionar yardımı.
  • Mahsus ambulatoriya yardımı.
  • Tolu stomatologiya yardımı.
  • Reabilitatsiya.
  • Acele yardım hızmeti.
  • Hastalarnıñ naqil etilmesi.
  • İlâc masrafını ödeme.
  • Tibbiy yardım masraflarını ödeme.