Vitse baş nazir İrına Vereşçuk, öz Telegram kanalında halq ögündeki insanlarğa “Azovstal”dan ağır yaralanğanlarnıñ azırlanğan tahliyesi aqqında tefsir etmemek ricasınen hitap etti – bu, aytışuv ceryanına zarar ketirir.

«Prezidentniñ emrinen rus esirlerini deñişerek ağır yaralanğan askerlerniñ Azovstaldan tahliyesine dair qıyın aytışmalar keçirirmiz»,- o yazdı.

Yazıq ki, bazı siyasetçilerniñ, jurnalistler ve halq erbaplarınıñ aytışmalarğa dair tefsirleri tek halqqa yalan malümat bermey, aytışuv ceryanına zarar ketire de, dep memur qayd etti.

«Men pek rica etem. Laf, insanlarnıñ ayatları aqqındadır. Bilmegeniñizni halq ögünde tefsir etmeñiz. Er şey muvafaqiyetli olsa ve insanlarnı alıp çıqarsaq, bundan soñ istegeniñizni yapa bilirsiñiz. Şimdi ise ciddiy olmağa ve keder etmemege rica etem!» – dep Vereşçuk çağırdı.

O tafsilâlıca añlattı ki, şu anda aytışmalar tek 38 ağır yaralanğan (yatqan) asker aqqında keçirile.

«Adım adım çalışamız. 38 ağır yaralanğannı deñişken soñ devam etecekmiz. Şu anda bazı KHVnıñ haberdar etkeni kibi 500 ya da 600 kişiniñ deñişmesi aqqında aytışmalar keçirmemiz. Er kesni ciddiy olaraq çalışmağa, kerçeksiz tüşüncelerge dalmamağa ve yalancı arizalarnı bermemege çağıram. Tek kerçeklik, tüşünceler ve areketler ayınıqlığı muvafaqiyetli neticelerni ketirecek»,- dep Vitse baş nazir hulâsa çıqardı.