Zaporijjâ vilâyetiniñ şarqında ordumız, duşman ordusını faal tarzda tuta. Esas ücümler Lugansk ve Donetsk yönelişlerinde keçirilgenine baqmadan işğalciler, bu bölgede de ögge keçmek içün tırışmağa devam eteler. Muvafaqiyetsiz topraq ücümlerini, grajdan obyektlerine raketa ücümlerinen tazmin etmege tırışalar.

Mayıs ayınıñ 18-ından itibarınen

Zaporijjâ vilâyeti

Bunıñ içün tamamınen viran etilgen ya da qısmen bozulğan mesken evlerniñ sayısı toqtamağan tarzda artar. Şu anda vilâyetinde bu tür binalarnıñ sayısı deyerli 1,1 biñidir.

Ağlar, tiremeler ve donatma bozulğan sebebinden şu anda 68den ziyade meskün yerde 21,1 biñden ziyade abune elektriksiz qaldı. Keçenlerde elektriksiz qalğan Kırılivkanıñ 25 qullanıcısı içün yañından temin etildi. Zaporijjâdaki bir qaza da yoq etildi ve 35kVt kerginli eki yol ağı temir etildi. Keçenlerde haberdar etkenimiz kibi, Ğulâypole, Vasılivka ve Orihiv yolağlarında bu tür çalışamalar keçirilmez – şu anda o yerlerde faal arbiy areketler keçirile.

Gaz teminatınen bağlı vaziyet te kergindir. Şu anda 88 meskün yerde tahminen 70 biñ abune gazsız qaldı. Berdânsk ve Melitopol rayonlarınıñ 48 şeeri ve qasabası gazdan kesildi. Arbiy areketler sebebinden tamir taqımları pek sıq çalışmağa keteler. Orihivteki gaz üleşitirici borusı tamir etilir etilmez beñzegen bozmalar Ğulâypolede ve Preobrajentside oldı.

Orihivte suv teminatı boruları bozuldı. Ğulâypole, Steptohirsk meskün yerlerine, Poloğı ve Vasılivka rayonlarınıñ etraftaki qasabalarına suv teminatı kesildi. Poloğıda elektrik olmağanı içün artezian araçıqlar işlemey.

İşğal etilgen Melitopolnıñ sakinleri haberdar eteler ki, oradaki tükânlarnıñ ve teşkilâtlarnıñ çoqusı işlemey. Melitopollılar muntazam streste bulunalar, soqaqlar boş. Etraftaki köylerdeki vaziyet ayrıca zordır. Er kes mümkün olğan tarzda ayatta kalır – aşsız ve gumanitar yardımsız.

Diger işğal etilmegen bölgelerde kibi Zaporijjâ vilâyetinde işğalciler, ukrain vatandaşlarını hırsızlamağa devam eteler. Tünevin aqşam itibarınen işğalcilerniñ esirliginde bir qaç yüz insanımız buluna.

Berdânsklılar şikâyet eteler ki, işğal vaqtı boyunca olarnıñ şeeri baqımsız qaldı. Deñiz yalısı otnen ve yosunlarnen kirlendi. Bu sene Kırılivkadaki raatlıq bazaları çalıaşmaycaq. Şu anda mında raatlanıcılar yerine rus “Gradları”, Azaq deñiziniñ yalısınıda pek çoq mina bar.

Dercde, Zaporijjâ vilâyet devlet memuriyetiniñ resmiy Facebook saifesinden ve arbiy memuriyetiniñ reberiniñ resmiy Telegram kanalından alınğan malümat qullanıldı. Vilâyetiniñ toprağında arbiy areketler devam etkeni sebebinden vilâyetiniñ vaziyetini ögrenmek şu anda imkânsız qalır.