Bugün mayıs ayınıñ 18-inde Kıyıv şeerinde Ukrainanıñ vaqtınca işğal etilgen topraqlarınıñ reintegratsiya meseleleri naziriniñ muavini Anatoliy Stelmah, Fevqulâde vaziyetler devlet hızmetine 85 zemaneviy dronnı berdi.

“Reintegratsiya nazirligi, quvet müessiselerinen er vaqıt işdeşlik yapar ve favqulâde vaziyetler hızmetçileriniñ işiniñ ne qadar müim ve telükeli olğanını añlaymız. Bunıñ içün bu sefer Vitse baş nazir İrına Vereşçuknıñ teşebbüsinen FVDHne yardmcı olmaq içün bizim ğarbiy ortaqlarımızğa muracaat ettik. Avadaki közleriniñ mevcut olması – bizim telükesizligimizdir”, – dep qayd etti.

Aynı zamanda FVDHniñ Başınıñ muavini Roman Prımuş qayd etti ki, dronlar, topaqlarnıñ minasızlaştırılması, yanğınnıñ söndürilmesi, tınç yaşağan ealiniñ tahliyesi, ateşlerniñ neticeleriniñ yoq ettirilmesi içün qullanılacaqtır. İstiqbalde dronlarnıñ idarecileri içün ayrı bir ast bölükler teşkil etilecektir.