Bugün Kıyıvdaki Ukraina Silâlı Quvetleriniñ zabitleriniñ merkeziy binasında Ukraina Vitse baş nazir İrına Vereşçuknıñ, Mudafaa naziriniñ muavini Hanna Malârnıñ, USQniñ deñiz piyadesiniñ reberi general-leynetant Yuriy Sodolânıñ ve USQniñ Baş ştabınıñ vekilleriniñ, deñiz piyadesiniñ 36. brigadasınıñ esir etilgen askerleriniñ aqrabalarınen körüşüvi keçirildi.
Laf vaqtında esirler deñişmesi mehanizmleri ve hususiyetleri muzakere etildi.
Esir etilgenlerniñ aileleri içün içtimaiy kefaletler, esirler ve aileleri meseleleri üzerinde çalışqan devlet organları arasındaki alâqa da muzakere etildi.
Soñunda Vitse baş nazir, cenkniñ ne qadar çoq sürgenine baqmadan devletniñ er bir esir içün küreşeycegine qandırdı.
