Mayıs ayınıñ 20-sindeki oturışında Ukraina Nazirler Kabineti, Oleh Kotenkonı Mahsus vaziyetlerde ğayıp olğan kişiler vekili (aşağıda – Vekili) vazifesine tayinledi.

Vekili, Ukraina “Mahsus vaziyetlerde habersiz ğayıp olğan kişilerniñ uquqiy statusı aqqında” Qanunına mücibi ğayıp olğan kişilerniñ qırıdırılmasını koordinatsiya etmekten ve bunen bağlı başqa meselelerni çezmekten cevapkâr olğan Reintegratsiya nazirliginiñ vazifeli şahısıdır.

Vekili, Ukraina Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri nazirine boysundırılır.

Oleh Kotenkonıñ böyle iş tecribesine saiptir. 2014 senesinden o, “Patriot” Gruppası” cemaat teşkilâtınıñ başıdır. Onıñ mütehassısları, esirler deñişmesinden ğayrı, USQniñ habersiz ğayıp olğan askerleriniñ qıdırılması üzerinde çalışa ediler. “Patriot” Gruppası” cemaat teşkilâtınıñ tüm faaliyeti boyunca tahminen 300 kişi azat etildi.

2020 s. dekabr ayından berli Ukraina Nazirler Kabinetiniñ qararınen Kotenko, Mahsus vaziyetlerde ğayıp olğan kişiler meseleleri eyyetine kirsetildi.

Söz sırası, yañı vekil Namus İnqilâbınıñ TQO zonasında arbiy akererlerniñ faal bir iştirakçisidir. Rusiyeniñ tolu masştablı tecavuzınıñ başlanğıcından o, Kıyıv vilâyetinde Ukraina devletini qorçalamağa qarar berdi.