Ukrainanıñ vaqtınca işğal etilgen topraqlarınıñ reintegratsiya meseleleri nazirligine, Herson vilâyet memuriyetiniñ böyle degen “başı” olaraq işğal akimiyet tarafından tesbit etilgen Volodımır Saldonıñ Hersonnıñ mektepleriniñ bala bağçalarınıñ tüm müridlerini toplap tasil müessiselerini rus programmasına zornen keçtirmek niyeti aqqında signallar keteler.

Haberdar etemiz ki, işğalcilernen göñülli işdeşlik yasaqtır. Ukrain standarlarına köre çalışmaq imkânı olmasa, tasil müessiseleriniñ reberleri oquv ceryanını toqtatmalı, amma işçilerine orta aylıq ödemeli.

Aynı zamanda sizni “avtomat astında tutıp” işlemege devam ettirseler, siziñ faaliyetiñizniñ cinaiy mesüliyeti olmaycaq. Amma zorbalıq delillerini qayd etmek kerek ve mümkün olsa UTHne ve/ya prokuraturlıqqa haberdar etmek.

Reintegratsiya nazirligi qayd ete ki, Ukraina Ceza Kodeksiniñ 111-1. maddesiniñ üçünci qısmına mücibi, tecavuzcı bir devletniñ tasil standartlarınıñ qullanılması, kollaboratsiya faaliyetidir. Hersonnıñ işğal akimiyetini ve ayrıca Herson vilâyet memuriyetini tenbiyelemiz: bu tür areketler yapsañız, cinaiy mesüliyetke çekileceksiñiz!