Mayıs ayınıñ 20-sindeki oturışında Ukraina Nazirler Kabineti, Oleh Kotenkonı Mahsus vaziyetlerde habersiz ğayıp olğan kişiler meseleleri vekili vazifesine nasıp etti. Vekil, ğayıp olğanlarnı qıdıruv ceryanını korrdinatsiya etmege ve bunen bağlı başqa meselelerni çezmege endi başladı.

Qayd etmek kerek ki, Oleh Kotenkonıñ bu tür iş tecbüresi bar: 2014 senesinden ayrıca Ukraina Silâlı Quvetleriniñ habersiz ğayıp olğan askerini qıdırğan ‘”Patriot” Gruppası” CTnıñ reberi edi. Faaliyeti vaqtında faalciler tahminen 300 kişi azat etmege becerdiler.

Şu anda Vekil habersiz ğayıp olğan em askerler, em de grajdan kişilerni qıdırma call-merkezini koordinatsiya ete ve habersiz ğayıp olğanlar aqqında malümat saasında Reintegratsiya nazirliginiñ Milliy Malümat Bürosınen işdeşligi yapa.

«Ğayıp olğan kişi aqqında haberdar etmek içün pazarertesi-cuma künleri 9:00-18:00 arasında işlegen 0 800 339 247 nomerasına call-merkeziniñ “sıcaq hattına” telefon etmek kerek. Cumaertesi ve Bazar künleri call-merkezi uzaqtan çalışır. Malümat, Viber ya da Telegramğa 095 896 0421 nomerasına beyanat şeklinde alınır. Call-merkeziniñ işçilerinen bağlanmaq içün [email protected] elektron poçtası qullanıla bilir. Bundan ğayrı, malümatnı sormaq içün vatandaşlar menim şahsiy 099 792 0126 nomerasına telefon ete bilirler», – dep Kotenko qayd etti.

Onıñ sözlerine köre, “sıcaq hat”nı qullanmağa isteyceklerden ğayıp olğan kişiniñ biografik malümatı, fotoresimi ve diger bilgilerni bermege istenilmesine azır olmalılar. Laf vaqtında da anketanı toldurıp onı Telegram, Viber ya da elektron poçtasına yollanmalılar.

Vekil daa tafsilâtlı ayttı ki, malümat işlengen soñ call-merkezinniñ işçileri, bazı malümatnı detaylaştırmaq ve kelecek areketlerni añlatmaq içün ariza bericinen bağlanacaq. Aynı zamanda ğayıp olğan kişiniñ yaqınları, ğayıp olğan kişi aqqında yañı malümat bermek ya da qıdırma neticelerini ögrenmek içün “sıcaq hat”qa telefon ete bilirler. Bundan ğayrı, 10 künde bir kere call-merkeziniñ işçisi,malümatnı yañartmaq içün, ariza bericinen bağlanır.