burger

Mayıs ayında Reintegratsiya nazirliginiñ 24 saat işlegen buhran meseleleri sıcaq hattına 5 biñden ziyade kişi telefon etti

Опубліковано 31 May 2022 року, о 16:20

Er kün Reintegratsiya nazirliginiñ hadimleri, ukrain vatandaşlarınıñ deyerli 200 hitabını işlerler. Umumen mayıs ayında 24 saat işlegen “Buhran meseleleri sıcaq hattı”na 5120 kişi hitap etti.

Hitaplarnıñ çoqusı Zaporijjâ (940), Donetsk (265) ve Harkiv (258) vilâyetlerinden edi. Aprel ayına köre, gumanitar koridorlarnıñ sayısı azlağanı içün bu tür hitaplarnıñ sayısı azladı.

“Sıcaq hat”qa eñ çoq aşağıdaki meselenen hitaplar bar edi:

  • DAK statusını alması, içtimaiy yardım alma aqqı ve onıñ ödenmesi;
  • çet ülkelerde oquğan studentler içün devlet sıñırını keçüv ceryanı;
  • halqara ortaqlarnıñ programmalarına mücibi yardım alması;
  • coyulğan mülk tazminatını almaq içün sicilge kirsetmesi.

Buhran meseleleri ihtisaslarnıñ acele qarşılıq köstermesi, yardımğa ihtiyac duyğan vatandaşlar arasında içtimaiy kirginlikni azatmağa imkân berir ve profil devlet organlarınıñ areketleriniñ idaresine yardımcı olur.

Hitaplarnı işlegen ve arizacılarğa añlatmalarnı bergen ihtisaslarnıñ çalışmaları içün esas meselelerni çezüv yol-yoruğından ve olarnı qullanuv ceryanından ibaret olğan malümat azırlandı.