Frenk Le Monde basımına intervyüde Ukraina Vitse baş naziri İrına Vereşçuk, ukrain akimiyetiniñ eñ müim vazifelerinden biriniñ, ruslar tarafından qanunsız çıqarılğan balalarnı evlerine qaytarmaq olğanını añlattı.

İrına Vereşçuknıñ malümatına köre, bugün bir qaç kiçik ukrainalı endi Vatanına qaytarıldı. Faqat çoq bala alâ daa rf topraqlarında ya da VİETnda buluna.

Bu balalar imayesiz, olar zornen ana-babalarından ve vesiylerinden çıqarıldı. Şu anda rusiye olarnı ukrainge qarşı propaganda içün qullana. Bundan soñ olar evlâtlıqqa alınacaqlar – keçenlerde rfnda ukrain balalarını sadeleştirilgen yol-yoruqnen evlâtlıqqa almağa izin berecek qanunnı tasdıqladı. Ve o zaman olarnı qatarmağa deyerli imkânsız olacaq. Bunıñ içün vaqıt coymamalımız.

«Bugün bu balalarnı qıdıramız, cedvellerni şekillendirmege tırışamız. Tarafımızdan yapılğan er bir repatriatsiya, mahsus operatsiyadır, – dep İrına Vereşçuk añlattı. – Bunıñ içün halqara müessiselerni bizge yardım etmege çağıram!».