burger

İrına Vereşçuk: Devlet, Mariupoldan qızlarğa serbest Ukrainağa qaytmağa yardım etti

Опубліковано 15 June 2022 року, о 9:38

Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk öz Telegram kanalında daa bir bahtlı qaytarmanı añlattı.

«Cenkniñ ilk künlerinde abla Mariupoldan Dniproğa tahliye etildi. Orta ve eñ genç qızlar ise anasınen Mariupolda qaldılar. Yazıq ki, anası ateşke oğradı ve öldürildi. Abla Valâ bizim sıcaq hattımızğa telefon etti ve bu zamandan berli Sofiya ve Nastâ qız qardaşlarını Mariupoldan ve bundan soñ Donetskten çıqarmaq içün ğayret köstermege devam ete edi», – dep memur, qızlar içün küreşni añlattı.

Bundan soñ pek çoq işimiz ve kök küçlerimiz bar edi. Şu anda qızlar beraber Kıyıvda, telükesizliktedir.

«Abla Valâğa cesaret ve israrlıq içün teşekkür bildirem. Onıñ tek on doquz yaşı bar, amma o endi qız qardaşlarınıñ vasiyidir. Neticesinde, tamam o, qız qardaşçıqlarını çıqardı. Devlet tek yardım etti. Seniñ ögünde bu kibi ayat ikâyeleri olğanda kerçek qıymetlerni añlamağa başlaysıñ. Siz olarnı bu qızlarnıñ közlerinde köre bilirsiñiz», – dep İrına Vereşçuk qayd etti.