Ukrainanıñ vaqtınca işğal etilgen topraqlarınıñ reintegratsiya meseleleri nazirligi, VİETnıñ ya da arbiy areketlerniñ devam etkeni topraqlarnıñ sakinleriniñ işsiz statusını alması ya da yañıdan vesiqalaştırması ve devlet yardımını alması içün ne yapmaq kerekligini añlata.

Qayd etemiz ki, telükesiz bölgelerde em uzaqtan (Diia portalı ya da mobil qullanımı vastasınen), em de offline – çalışqan sizge eñ yaqın Emek merkezine hitap etmek mümkün.

Vaqtınca işğal etilgen ya da arbiy areketler devam etkeni topraqlarda bulunğan kişi Emek merkezine online şekilde hitap etip işsiz statusını ala ya da yañıdan vesiqalaştıra, devlet yardımını ala bilir.

Bunıñ beş variatı bar:

• Diia vastasınen elktron bir ariza bermek;
• online-anketanı toldurmaq;
• çat-botnı qullanmaq;
• elektron poçtası vastasınen vesiqalarnı yollamaq ([email protected]);
• sıcaq hatqa hitap etmek: 0 800 509 966.

İşsizlik statusı, Emek merkezinde qayd etüvniñ ilk kününden, yardım ise maqbul statusnı alğan künden berilir.

Malümat grafikasında tafsilâtlıca oquñız.

İşsiz statusnı vesiqalaştırmaq içün kerekli vesiqalarına ya da tasdıqlanğan sigorta stajına, emek faaliyetine, maaşına (kelir, para teminatı) saip olmasa, devlet içinde alınğan kişilerge, VİETda ya da arbiy areketlerniñ devam etkeni topraqlarda bulunğan kişilerge işsiz statusnı berüv, devlet sicillerindeki, malümat sistemalarındaki ve bazalarındaki belgilerge köre yapılır.