Ukraina Vitse baş naziri İrına Vereşçuknıñ reberliginen DAKge ve sürgün etilgen kişilerge vesiqalarnı berüvge dair eyyetler arası oturışınıñ neticelerine köre UNKniñ baqılmasına “Cenk vaziyeti şartlarında Ukraina vatandaşı pasportını azırlamanen ve vesiqalaştırmanen bazı meseleler” qararı yollandı.

Ükümetniñ iyün ayıınıñ 21-indeki oturışında İİNniñ berilmesinen mezkür vesiqa tasdıqlandı.

Böylece, cenk vaziyeti vaqtında ve o bitirilgen üç ay devamında Ukraina vatandaşı pasportında mevcut olğan kontaktsız elektron taşıyıcığa kirsetmeden, İEİsız ve şifrleştirmeden pasportlar azırlanacaq ve berilecek.

Bu, vatandaşlarnıñ ID-1 şeklindeki vesiqa blanklarına ihtiyacını eñ tez ve tolu tarzda qanaatlendirmege yardım etecek. Bu cümleden, 178 biñ içki ID pasportı içün “Poligrafkombinat” DT blanklarnı yapa bilecek.