Tünevin mektepte oquğan VİETdan balalar online şekildeki şahsiy mulâqanıñ neticelerine köre ukrain yüksek tasil yurtlarına kire bilecekler. Laf, bedava olaraq oquv ceryanı aqqındadır. Bunı yapmaq içün devlet tarafından maqbul bir imtiyaz esapqa alındı, dep “Ukraina-24” telekanalınıñ canlı yayınında Ukraina Vitse baş naziri İrına Vereşçuk añlattı.

Lafnıñ, vaqtınca işğal astında bulunğan yüzlerce cemaattan mezunlar aqqında olğanını da qoştı. Olarnıñ cedeveli er vaqıt yañartıla, o da Reintegratsiya nazirliginiñ emrinen şekillerdirile ve tasdıqlana.

«Balalarımıznıñ kelecegi biznen, serbest Ukrainanen. Başqa iç bir şekilde omaz. VİETdan on biñlerce mezuznıñ serbest topraqlardaki tasil yurtlarında uzaqtan tasil ala bilmeleri içün er şey yapacaqmız!»- dep memur inandırdı.