burger

Arbiy areketler zonalarında olğan doğma ve ölüm vesiqalarını aluv ceryanı idare etildi

Опубліковано 1 July 2022 року, о 12:58

İyül ayınıñ 1-inde Ukraina Yuqarı Şurası, cenk ya da fevkulâde şartlarında ve vaqtınca işğal etilgen topraqlarda doğma ya da ölüm vaqiasını tesbit etüv davalarında makeme davasınıñ hususiyetlerine dair bir qanun (sicil № 7310) tasdıqladı.

Qanunda esapqa alındı ki, şimdi arbiy areketleri zonalarında doğuma ya da ölüm vaqiasını tesbit etmek içün hastahaneler ve GVAM organları doğma ve ölüm aqqında maqbul vesiqalarnı beremeyler, bu tür kişilerniñ aqrabaları er bir makemege hitap ete bilirler.

Doğma ya da ölüm vaqiasını tasdıqlaya bilgen er bir vesiqa ve şaatlıqnamesi makemege berilir.

Makeme protsedurası devamlı degil – bu tür arizalar acele ve bedava olaraq baqılır çünki arizacılar makeme alımından azat etilir.

O tasdıqlanğan soñ makemeniñ qararı GVAM organlarına yollanır, anda arizacılar maqbul malümatnamelerni ala bilirler.

Reintegratsiya nazirliginiñ taqımı parlamentke tüzetilgen işdeşligi ve qanunnı tez olaraq tasdıqlaması içün teşekkür bildire.