burger

Balañız cenk vaqtında yaralansa ne yapmaq kerek?

Опубліковано 7 July 2022 року, о 16:02

Milliy politsiya yaralanma ya da zararlanma vaqiasını qayd etse, balağa ise ilk tibbiy yardım berilse, sizge SOS Bala şeerçikleri yardım etmege azır. Bu, cenkten zarar körgen balalarğa yardım etken hayriye gumanitar teşkilâtı.

Sizge ve balañızğa ruhiy ve uquqiy destek berecekler, içtimaiy ödemelerni vesiqalaştırmağa, tedaviyleme ya da protezleştirmenen yardımcı olacaqlar, maliyeviy olaraq destekleycekler.

Zarar körgen bir bala içün bir kerelik 10 biñ grivnalıq para yardımı berilir. Onı almaq içün SOS Bala şeerçikleriniñ Cash assistance mahsus programmasınıñ iştiraki olmaq ve kerekli vesiqalarnı bermek kerek. Bağlantığa basıp olarnıñ cedvelini ve programma aqqında oquya bilirsiñiz.

Hatırlatamız ki, Ukrainanıñ vaqtınca işğal etilgen topraqlarınıñ reintegratsiya meseleleri nazirligi, rus işğalcileriniñ zornen ketirgeni balalarnı qıdırmağa ve qaytarmağa çalışır. 44 bala evine endi qaytarıldı.