Nazirler Kabinetiniñ vitse baş nazir İrına Vereşçuknıñ başlığınen eyyetler arası oturışında tasil müessiselerinde vaqtınca yaşağan köçkenlerniñ vaziyeti tefsir etildi.

Oquv yılı başlamadan ReNazirligine DAKden bazı tasil müessiseleriniñ olarnı çıqarmağa istegenlerini añlatqan şikâyetler yollandı. İrına Vereşçuknıñ sözlerine köre, iyül ayınıñ 7-sinden 13-üne qadar ReNazirliginiñ sıcaq hattına 312 bu tür signal yollandı.

DAKden vaqtınca mesken içün kiralıqnı ödemege istenmeleri vaqiaları bellidir.

Qarar berildi:

– bölgelerdeki yerli akimiyet DAKni yerleştirmek içün qoşma yedek ihtiyat yerlerini yaratmalı;

– qış başlamadan evel DAK içün vaqtınca meskenler yañıdan tertip etilecek ya da qurulacaq.

“Tasil müessiselerinde vaqtınca yerleştirmege mecbur qalğan insanlar oquv yılı başlamadan evel alternatif (yaşmağa uyğun, isitilgen ve tamir etilgen) meskennen temin etilmeli. Bu şartlarğa uymadan olarnıñ çıqarılması olmaz!” – dep vitse baş nazir qayd etti.