Milliy tele marafonınıñ canlı yayınında vitse baş nazir İrına Vereşçuk añlattı ki, bir kün devamında vaqtınca işğal etilgen Herson vilâyetinden biñden ziyade vatandaşımız tahliye etmege becerdi, olarnıñ çoqusı balalarınen edi.

“Ketmek kerekligini añlağan ana-babalarğa can-yüregimden teşekkür bildirem. Ebet, bu qıyın, amma mümkün. Tamam bu evge yoldır!” – dep İrına Vereşçuk qayd etti.

O hatırlattı ki, şu anda vaqtınca işğal etilgen topraqlarda qalmaq soñ derecede telükeli: işğalciler insanlarnı mecburiy olaraq pasportlaştıralar ve düşman ordusına mobilizatsiya eteler, işdeşligine mecbur qaldıralar. Azır olmağanlarnı azaplaylar. Bunıñ içün bütün imkânlarnı qullanıp çıqmaq kerek.