Çatışmalar vaqtında grajdan ealini qorçalav saasında çalışqan Norwegian People’s Aid (NPA) norveg halqara gumanitar teşkilâtı Reintegratsiya nazirliginiñ minağa qarşı faaliyetine qatılacaqtır.

Ukrainalılarnı patlayıcı şeyler (PŞ) aqqında ögretme ve ealini arbiy areketler vaqtında qorçalama qaidelerini oqutma (Conflict Preparedness and Protection) malümat maarif ortaq kampaniyaları keçirilecek. Bundan ğayrı PŞnen kirlengen ya da kirlengen ola bilgen topraqlarınıñ teşekerilmesi ve işaretlendirilmesi olacaq.

30 sene boyunca bütün dünyada NPA pirotehnikacıları patlamağan 2 mlndan ziyade mina ve patlayıcı şey telükesiz bir alğa ketirip yoq ettiler.

Keçenlerde haberdar etkenimiz kibi, Reintegratsiya nazirligi Mine Advisory Group (Britaniya) ile beraber yañı maarif kampaniyasını başlay.

Hatırlatamız ki, rfnıñ tolu miqyaslı tecavuzından başlap Nazirlik mina telükesizligi malümat kampaniyasını muntazam tarzda keçirmekte ve topraqlarnı minasızlaştırmaq maqsadınen halqara yardım çekmektedir.