Bugün Nazirlert Kabineti Reintegratsiya nazirliginiñ Donetsk vilâyetinden tahliyeni teşkil etecek koordinatsiya ştabını yaratmaq teşebbüsini tasdıqladı. Ükümet maqbul qararnı qabul etti.

Şu anda Donetsk vilâyeti gumanitar felâketiniñ sıñırındadır. Anda faal arbiy areketler devam eteler, astyapısı viran etildi. İnsanlar ateşlerge er bir saniye oğramaq telükesi astındalar – ışıq, qızdıruv, ilâç ve aş olmadan qış mevsiminde yaşamağa o qadar qolay olmaycaqtır. Çezimi – tahliyedir.

Onıñ sakin ve telükesiz bir alda keçmesi içün akimiyet organlarınıñ, askerlerniñ, göñüllilerniñ areketleriniñ ciddiy koordinatsiyası kerektir. İnsanlarnı tek telükeli yerden çıqarmaq degil, em de olarğa mesken, yardım bermek, yerleştirmek kerke. Bütün er şey – Vitse baş nazir İrına Vereşçuknıñ başı olğanı ştabınıñ işidir. Onıñ terkibine nazirliklerniñ, quvetli müessiselerniñ ve VAMniñ vekilleri kirsetildi.

Hatırlatamız ki, keçenlerde İrına Vereşçuk Donetsk vilâyetiniñ sakinlerini ikmetini kösterip tahliye etmege çağırdı. Köçip kelgenler ortasındaki vilâyetler ve Ukrainanıñ ğarbında qabul etilecekler.