burger

İrına Vereşçuk: devlet Donetsk vilâyetinden tahliye etilgenlerge bir mesken, qorunma ve destekni kefil ola

Опубліковано 30 July 2022 року, о 16:55

“Tek haberler” (“Yedıni Novını”) tele marafonınıñ canlı yayınında vitse baş nazir İrına Vereşçuk añlattı: akimiyet, telükeli bölgeden çıqqan er kesniñ mesken ve içtimaiy qorunma alması içün qasevet ete. Donetsk vilâyetiniñ sakinleri bölgelerde endi beklenir.

Donetsk bölgesinden tahliyeniñ eki sebebi bar: arbiy areketlerniñ şiddetliginiñ artırılması ve elektrik, gaz teminatınıñ deyerli yoq olması. Bunıñ içün bu qış meskün yerler qızdıruvsız olacaq, dep memur qayd etti.

“Donetsk vilâyetiniñ toprağında 52 biñi bala olğan 200-220 biñ ukrainalı bulunmaqta. Ve devletniñ ve er bir yetişken vatandaşnıñ mecburiyeti – olarnıñ ayatını qorçalamasını temin etmektir,” – dep İrına Vereşçuk bildirdi.

Hatırlatamız ki, tünevin İrına Vereşçuk, Nazirler Kabinetiniñ qararınen Reintegratsiya nazirliginiñ teşebbüsinen yaratılğan Donetsk vilâyetinden tahliye koordinatsiya ştabınıñ başı oldı. Ştabğa nazirliklerniñ, quvetli müessiselerniñ ve VAMniñ vekilleri kirsetildi.