Donetsk vilâyetiniñ sakinleriniñ mecburiy tahliyesi tüetilgen ve açıq tarzda keçirecek: logistika endi işlenildi. Devletniñ çoqusı bölgelerinde olar endi beklenilir.

Tahliye etecekler içün Reintegratsiya nazirliginde areletler talimatı yayınlandı:

1. adım – Donetsk VGMniñ sıcaq hattına hitap etmek ya da maqbul çat-botnı qullanmaq.

2. adım – hitapnıñ esasında eviñizge kelip, toplanmağa yardımcı olacaqlar be tahliye yerine ketirecekler.

3. adım – telükeli zonadan çıqmaq. İnsanlarnıñ tahliyesi trenler ve avtobuslar vastasınen olacaq.

4. adım – yerine ketken soñ DAK malümatnamesini vesiqalaştırmağa yardımcı olacaqlar.

5. adım – yerine ketken soñ qarşılap, devletten ilk maliyeviy yardım berecekler.

“Er keske mıtlaqa yardımcı olacaqlar!” – dep vitse baş naazir İrına Vereşçuk inandırdı.

Vitse baş nazir daa qayd etti ki, iç kimse tahliye etmege mecbur etmeycekler, tahliyeden red etken vatandaşlar öz ve balalarınıñ ayatları içün şahsiy olaraq cevapkâr olacaqlar.

Hatırlatamız ki, Nazirler Kabinetiniñ qararınen Donetsk vilâyetinden tahliye koordinatsiya şatbı teşkil etildi. Onıñ başı vitse baş nazir İrına Vereşçuk oldı. Ştabğa nazirlikler, quvetli müessiseler ve VAMniñ vekilleri qatıldı.