burger

«Evine qaytaracaqmız!»: Reinetgarstiya nazirligi sürgün etilgen balalarnı qıdırmaq içün yañı aletlerni çeke

Опубліковано 1 August 2022 року, о 16:44

Bugün Media Center Ukraine – Ukrinform’daki brifingte “Ditı viynı” malümat platforması taqdım etildi.  Bu Reintegratsiya nazirligi, Milliy malümat bürosı (MMB), UBPnıñ Ofisi, Milliy politsiya, UYŞnıñ insan aqları vekiliniñ Kâtibiyeti ve Prezidentiniñ Ofisiniñ ortaq bir leyhasıdır.

Taqdim etüvde MMBnıñ reberi Oleksandr Smırnov, İİN, UBPnıñ vekilleri ve ombudsmenler iştirak ettiler.

Mezkür platforma balalarnıñ qatarılmaları içün ana-babalarğa ve uquq qorçalayıcı organlarğa bütün kerekli malümat qıdırmağa yardım etecek. Bundan ğayrı, toplanğan bilgiler isbat bazasınıñ şekillendirilmesine ve qabaatlılarnıñ tolu mesüliyetine ketirimelerine imkân yaratacaq.

Hatırlatamız ki, bugünge qadar Reintegratsiya nazirligi ve Milliy malümat bürosınıñ yardımınen qanunsız olaraq çıqarılğan 47 bala Ukrainağa endi qaytarıldı. Malümatnıñ az olğanı içün olarnı qıdıruv ceryanı pek qıyın keçe, dep nazirlikte bildirildi. Bunıñ içün Reintegratsiya nazirligi bütün lâqayt olmağan insanlarnı qıdıruv ceryanına qatılmağa çağıra.

Şu andan “Ditı viynı” platformasınıñ yardımınen bunı yapmaq daa qolay olacaq.Türlü malümatqa saip olğan er kes bu malümatnı añlatmaq içün tek MMBnıñ 16-48 sıcaq hattına telefon ete degil, em de malümat platformasında maqbul formanı topdura bilir.