Ukrainalılar Ukraina Prezidenti Volodımır Zelenskıynıñ qış mevsiminde pek zor vaziyetniñ ola bilecegi bölgelerden tahliye çağırısına riayet eteler, dep “1+1” kanalınıñ canlı yayınında vitse baş nazir İrına Vereşçuk qayd etti.

Laf, muntazam arbiy areketlerniñ devam etkeni, astyapısı viran etilgen, qızdıruv ve ışıq olmadan, ilâçlarnıñ ve azıq mahsulatlarnıñ ketirilmegeni yerlerden tahliye aqqındadır.

“Akimiyet ise, bu bölgelerniñ sakinleriniñ evelden vaqıtnı coymayaraq ve vaziyetniñ şiddetlenmesini beklemeyerek tamam şu anda tahliye etmege başlamaları içün mümkün olğan er şey yapa”, – dep memur qayd etti.

“Devlet kimseni diqqatsız qalmaycaqtır!”, – dep İrına Vereşçuk hulâsa çıqardı.