Reintegratsiya nazirligi, Ukraina içün ayatlarını bergen arbiy askerlerniñ bedenlerini qaytarmaq maqsadınen faal olaraq çalışmağa devam ete.

Mahsus vaziyetlerde habersiz ğayıp olğan kişiler meseleleri vekili Oleh Kotenkonıñ sözlerine köre, bu tür vazifelerni yapmaq içün mahsuslaştırılğan maşnalarnıñ kemligi bar.

Tamam bunıñ içün vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuknıñ şahsınen Reintegratsiya nazirligi yardım almaq içün Lehistan Ükümetine hitap etti.

Dost olğan bir ülke Ukraina içün qıyın vaqıtlarda daa bir kere destek kösterdi ve öldürilgen askerlerniñ bedenlerini taşıması ve evlerine qaytarması içün eki mahsuslaştırılğan maşna (refricerator) MAN berdi.

“Bu meseleni çezmege qatılğan er keske teşekkür bildirem. Berilgen tehnika vastasınen bu saada daa acele olaraq çalışa bilecegimizni eminlilnen ayta bilem. Bütün öldürilgen askerlerniñ bedenlerini mıtlaqa qaytaracaqmız”, – dep Oleh Kotenko qayd etti.