Bugün Donetsk vilâyetinden mecburiy tahliyege bağışlağan Ukrainformdaki brifingi vaqtında vitse baş nazir İrına Vereşçuk bu aqqında ilân etti.

Vitse baş nazirniñ sözlerine köre avgust ayınıñ 2-sinden Donetsk vilâyetiniñ tahminen 4 biñ sakini muvafaqiyetnen endi tahliye etildi, olarnıñ arasında tahminen 800 bala. Faqat vilâyetniñ toprağında pek çoq vatandaş qala.

Aynı zamanda viran etilgen kritik astyapı sebebinden bölgede qızdıruv teminatını keçirmek pek qıyındır. Donetsk vilâyetiniñ sakinleri, aralarında on biñlerce bala içün eñ yahşı variant – vaqtındaki tahliyedir.

“Devlet çıqqan er kes aqqında qayğırmaq mecburiyetini ala ve telükesiz tahliyeni kefil ete”, – dep İrına Vereşçuk qayd etti.

Hatırlatamız ki, Donetsk vilâyetinden telükesiz bölgege bedava olaraq çıqmaq içün (098) 890-33-18 ya da 1548 nomerağa telefon etip ariza bermek ve tahliyeniñ olacağı toplama yerine ketmek kerek.