Ukrinformdaki brifing vaqtında vitse baş nazir İrına Vereşçuk Ukrainanıñ topraqlarında çalışqan halqara teşkilâtlarğa destek aqqında çağıruvnen muracaat etti. Birinciden qış başlamadan evel DAKge mesken berüv leyhalarını paranen teminatı.

«Ukraina devleti öz balaları, qadınları, qartlarını qorunmağa, olarnı telükeli bölgelerden çıqarmağa ve yerleştirip uyğun şartlarnı yaratmağa tırışa. Olarnı kimniñ, ne yerde ve nasıl qabul eteceklerini endi bilemiz. Aynı zamanda em de dünya cemaatına muzakere etemiz: bugün ukrainalılarnıñ siziñ yardımıñızğa ihtiyacı bar. Ortaq ciddiy tutma bizim halqımızğa bu qışnı keçirmege, dayanmağa ve duşmannı yeñmege yardım etecek!», – dep İrına Vereşçuk qayd etti.