Öz Facebook saifesinde UMNniñ İstihbarat baş idaresi, Enerhodar ve etraftaki meskün yerlerniñ sakinlerine aşağıdaki malümat deral añlatmağa çağırdı:

— işğal ordusınıñ yerleşkeni doğru noqtalarnı ve yaşağanı yerlerni (koordinatlarnen geo delilinen daa yahşı olur),

— işğal ordusınıñ reberlik terkibiniñ yaşağanı yerni (koordinatlarnen geo delilinen daa yahşı olur),

— arbiy tehnikanıñ qayda bulunğanını ve marşrutlarını,

— duşmannıñ tarafını alğan yerli işdeşlikçilerniñ dos-doğru bilgileri (yaşama ve bulunma adresleri, koordinatlarnen geo delili, adı, 2022 s. fevral ayınıñ 24-nden evel ve şu anda çalışqan yerleri ve vazifeleri),

— işğalcilerge acınğan kişiler ve işğal akimiyetiniñ diger destekçiler.

İBİ “Rosatom”nıñ işçilerine, rfdan diger yollanğan hızmetçiler ve mütehassıslarğa ayrıca diqqat etmege rica ete.

“Olarnıñ vazifeleri, adları, iş ve yaşama yerleri adreleri, qullanğanları maşnalarnıñ nomeraları ve markaları, marşrutları aqqında haber etiñiz”, – İBİ çağıra. Alâqa nomerası: +380963101126

Beyanatta da qayd etile: Ukraina vatandaşınıñ rus pasportını alması, bu tür kişini işdeşlikçi ve duşmannıñ yardımcısı olaraq tanımağa temel ola. Bu içün mesüliyet almaq kerek olacaq, dep İBİ qayd ete.

Hatırlatamız ki, ReNazirligniiñ taqımı Ükümetniñ baqılmasına mecburiy pasportlaştırma içün cinaiy mesüliyetni esapqa alğan qanun leyhasını azırlap berdi.