Sıñır sızığından logistikanı idare etmek maqsadınen Zaporijjâda arbiy komendatura teşkil etilecek. Herson vilâyetiniñ tahliye etilgen sakinleri içün Zaporijjâdaki köçip kelgenlerni destek etmek içün “Men – Hersonım” açqanda vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri nairi İrına Vereşçuk bunı bildirdi.

“Zaporijjâ vilâyetinde insanlar sıñır sızığını faal olaraq keçeler, telükesiz yerlerge keteler. Bu ceryan ve yol ciddiy olaraq idare etilmeli. Mında komendaturanıñ yaratılması logistiaknı idare etmege ve sıñır sızığını keçken grajdan vatandaşlarnı qorçalamağa yardımcı olacaq. Vatandaşlarnıñ tahliye vaqtında telükesizligi – esas prioritettir”, – dep memur qayd etti.

Hatırlatamız ki, İrına Vereşçuknıñ bilgilerine köre, keçken afta boyunca Herson vilâyetiniñ VİETdan Ukrainanıñ kontol etkeni toprağına tahminen 6 biñ ukrainalı – çoqusı balalarnen aileler çıqtı.