Reintegratsiya nazirligi esirlikten azat etilgen ve alâ daa esirlikte bulunğan ukrainalılarğa ödemeler yapmaq içün para: rfnıñ qanunsız olaraq tutqanı ukraina vatandaşlarınıñ qorantalarına – 1,5 mln grn ve endi azat etilgen ukrainalılarğa – 6,7 mln grn ayırdı. Er kes bir kerelik 100 biñ grivnalıq yardım alacaq.

Tınç taşağan vatandaşlarnıñ telükeli bölgelerden ve VİETdan tahliye devam ete. Vitse baş nazir İrına Vereşçuknıñ sözlerine köre, avgusnıñ başlanğıcından Donetsk vilâyetinden 7 biñden ziyade kişi tahliye etildi, olarnıñ 1,5 biñden ziyadesi – baladır. Soñ 10 künü devamında VİETdan 21 biñden ziyade ukrainalı çıqtı, er üçüncisi – baladır.

Ukraina ve Lehistan ükümetleriniñ ortaq teşebbüsinen teşkil etilgen Minnetli aziz azapçı Klımentiy Şeptıtskıy adına fond çalışmağa başladı, dep Vitse baş nazir İrına Vereşçuk haberdar etti. Onıñ maqsadı rus esirliginde bulunğan qadınlarğa ve Cenk vaqtında ana-babasını coyğan balalarğa yardım etmektir. Daa Şeptıtskıy Fondu qadınlarnıñ ruhiy destegine ve olarnıñ tedaviy-raatlanma lagerlerindeki reabilitatsiyasına para berecek.