Aileler, qabul etilgen öksüz balalarnı ya da ana-babasınıñ baqmasından marum etilgen balalarnı terbiyelegen patronat terbiyecileri ve bala evleri, terbiye alıcılarını büyük telükege oğraştırsalar ve mecburiy tahliyeni red etseler, olarnı vasiy etmek aqqını coya bilirler.

Devlet, bu balalarnıñ taqdirlerini daa mesül terbiyecilerge berecek – balalarnıñ tahliye etecekleri endi telükesiz bölgelerde.

Milliy içtimaiy hızmet yerli devlet memuriyetleriniñ, yerli öz idare organlarınıñ maqbul bölgelerde vasiylik aileleri, aile türlü bala evleri, patronat terbiyecileriniñ aileleri, balalarnıñ 24 saatli bulunmasını esapqa alğan müessiselerniñ mevcudı aqqında bilgilerine mücibi müessiseler ya da terbiyecilerni tayin etecek.

Bugün Ükümet oturışında İçtimaiy siyaset nazirliginiñ Nazirler Kabinetiniñ baqılmasına bergeni maqbul qararnı tasdıqladı. Reintegratsiya nazirligi Donetsk vilâyetinden mecburiy tahliye koordinatsiya ştabınıñ oturışınıñ qararını yerine ketirmek içün azırlanğan vesiqanıñ teşebbüsçisi oldı.

Hatırlatamız ki, şu anda Donetsk vilâyetinden mecburiy tahliye devam ete. Başlağanından avgust ayınıñ 2-sinden telükesiz bölgelerge tahminen 10 biñ tınç yaşağan vatandaş köçip ketti. Tahliye koordinatsiya ştabınıñ başı Ukraina vitse baş naziri İrına Vereşçuktır.