burger

Oleh Kotenko: Reintegratsiya nazirligi 500den ziyade öldürilgen qorçalayıcını muvafaqiyetnen qaytardı

Опубліковано 27 August 2022 року, о 14:35

Qaytruv ceryanı nasıl keçe? Qaytarılğan arasında Azovstalnıñ qorçalayıcılarınıñ sayısı nedir? Bütün yönelişlerdenmi öldurilgen qaytarıla? Mehsus vaziyetlerde habersiz ğayıp olğan kişiler meseleleri vekili Oleh Kotenkonen bu ve diger qolay olmağan mevzular aqqında laf etemiz.

– Oleh bey, ne zamandan berli Reintegratsiya nazirligi askerlerimizniñ bedenlerini qaytara?

– Er vaqıt, Vekilniñ Ofisi yaratılğan soñ mayıs ayınıñ soñunda ise bu ceryan tezleştirildi. Qırımız Haçnıñ halqara vekilligi vastasınen rf tarafınen alâqa quruldı. Tecavuzcınen aytışmalar keçirmek zor ola, amma biz 541 öldürilgen qorçalayıcını qaytarmağa becerdik. Mariupoldan 428 beden qaytarıldı, olardan 300den ziyade – Azovstalnıñ qorçalayıcılarıdır. Öldürilgenlerni Donetsk, Zaporijjâ, Herson, Harkiv, Luhansk vilâyetlerinden, er bir yerden qaytaramız.

– Eñ zor şey nedir?

– Duşmannen alâqa. Öldürilgenlerimizniñ bulunğanları yerlerni rus tarafına beremiz. Onı almalılar ve bundan soñ biz deñişmelerni keçiremiz. Faqat tınç rejiminiñ ilân etilgenine baqmadan rf er vaqıt arbiy areketler zonasına ketmege istey. Bazıda VİETdaki oğlanlarımıznıñ bedenlerini almaları içün añlaşmağa zor ola. Ğayıplarınıñ büyük sayısı sebebinden ruslar öz öldürilgenleri içün vaqtı olmay.

– Habersiz ğayıp olğanlarnıñ ya da öldürilgen ukrain qorçalayıcılarınıñ aqrabalarınen alâqañız barmı?

– Munatzam! Reintegratsiya nazirligi öldürilgenlerniñ ve habersiz ğayıp olğanlarnıñ aqrabalarınen 20den ziyade körüşme keçirdi. Yaqını öldürilgen kişine bedenini bazı vaqıt boyunca qaytaramağanını añlatmaq pek zordır. Şu anda ruslar ve insanlıq aqqında laf etmeycegim, bu añlamlar manadaş olmaylar, er kes bunı bile. Amma er bir kişiniñ taqdiri aqqında qasevet etem ve aqiqatnı tarqatmağa tırışam. Yuqarıdaki insanlar – olar er vaqıt duymağa azır olmaylar…

– İnanmaylarmı?

– Olar sıq sıq çetin ümütsizliktelerdir. Farqlı haberler, bu cümleden Ukrainanıñ askerlerimiz kerekmegenini añlatqan propaganda malümatını oquylar. Bu, tsinik bir yalandır. Er vaqıt tek ukrain resmiy ceryanlarına inanmağa çağıram. Aqrabalarıñıznen alâqa coysañız, Reintegratsiya nazirligine hitap etiñiz. Biz yardımcı olacaqmız! Em de jurnalistlerge [hitap etiñiz]: insanlarğa aqiqatnı añlatıñız! Biz sizge kerekli bilgilerni bermege azırmız. Er bir qaramannı evine qaytarmaq bizim içün pek müim, ve bunı yapmaq içün mümkün olğan er şey yapamız.