Mıkolayıvğa iş ziyareti vaqtında vitse baş nazir İrına Vereşçuk Mıkolayıv umumiy tasil mektepleriniñ birindeki DAKniñ kompaktlı yaşama yerini ziyaret etti. Müessise, Mıkolayıv vilâyetiniñ farqlı rayonlarından köçip kelgenler içün mesken oldı.

İnsanlar ayat içün kerekli er şeynen: bedava tolu aş, ilâçlar, gigiyena eşyaları, urba, ayaqqabın v.b. temin etkenlerini añlattılar. Tibbiyetçiler ve ruhiyatçılar olarnen çalışalar.

Talebelerge ayrı diqqat ayırıla. Endi bir qaç kün içinde olar online sınıflarğa qatılıp müessiseniñ kompyuter tehnikası vastasınen oqumağa devam etecekler.

İrına Vereşçuk balalarğa oqumağa başlamaları içün kerekli er şeyden ibaret olğan gumanitar yardım ve tatlılarnı berdi.

“Şu anda on biñlerce balamız öz ana mekteplerinden uzaqlıqtadır. Amma, buña baqmadan, olar içün oquv senesi vaqtında başlamalı!”, – dep vitse baş nazir qayd etti.