burger

İrına Vereşçuk: Qart ve az mobil köçip kelgenler devletniñ şahsiy nezareti astındadır

Опубліковано 29 August 2022 року, о 13:33

Mıkolayıv heriatrik pansionatını ziyaret etkende vitse baş nazir İrına Vereşçuk bunı bildirdi. Anda Mıkolayıv, Herson ve Odesa vilâyetlerinden köçip kelgenler bulunalar.

Pansionatnıñ sakinleri kerekli er şeynen: aş, urba, ilâçlarnen temin etilgenlerini añlattılar. Olar müessiseniñ hızmetçilerine ve akimiyetniñ vekillerine qaseveti ve diqqatı içün teşekkür bildirdiler.

Rus tecavuzı neticesinde evlerinden ayırmağa mecbur qalğan qartlarnı baqmaq – devletniñ esas prioritetlerinden biridir, dep İrına Vereşçuk qayd etti.

“Qart insanlar telükeli zonalardan ayırmağa sıq sıq qarar beremeyler, çünki olarnı yerleştireceklerine emin olmaylar. İnandıram: tahliye içün mahsus olaraq abadanlaştırılğan naqliyat bar. Er kes telükesiz bölgelerde beklenile ve yerleştirilecektir”, – dep vitse baş nazir qayd etti.

Memur pansionatnıñ sakinlerine Halqara Qırmızı Haç Eyyetinden ve Lehistan ükümetinden gumanitar yardım berdi.