Reintegratsiya nazirliginiñ taqımı, nazirlikniñ teşebbüsinen azırlanğan, bir işlenme – bilgilerni alma mahsus formasını taqdim etti. O, patlayıcı şeylernen vaiqaları ve olardan zarar körgenler aqqında malümattan ibaret ola. Ukrainadaki minağa qarşı faaliyeti operatorlarınen körüşüv vaqtında bu taqdim keçirildi.

Bu tür bilgilerniñ toplanması vesistemalaştırılması kirlengen yerlerni, eñ tarqatılğan patlayıcı şeylerni v.b. tesbit etmege yardım etecek. Bu ise kirlengen yerler haritasını mükemmelleştirecek ve insanlar içün mina telükesi saasındaki maarif faaliyetini tüzetecek.

Reintegratsiya nazirligi, Genevre gumanitar minasızlaştırma meseleleri merkezi (GICHD), Minağa qarşı faaliyeti milliy organınıñ Kâtibiyeti ve Ukraina Mudafaa nazirliginiâ minağa qarşı faaliyeti merkeziniñ ortaq ğayretlerinen azırlanğan forma IMSMA CORE minağa qarşı faaliyeti saasında malümatnıñ idaresi cian sistemasına qatıldı.