Vitse baş nazir İrına Vereşçuk haber berdi ki, bu sene er bir territorial cemaat öz başına oquvnıñ şeklini qarar bere, çünki cenk mektep bayramınıñ şeklini deñiştirdi.

Vaqtınca işğal etilgen topraqlarnıñ mahsus vaziyeti bar. Memur oquv ceryanını online şekilde keçirmege teklif ete. Amma eñ uyğun ve telükesiz variantı – balalarnen ailelerniñ Ukrainannıñ nezaret etkeni topraqlarına tahliyesidir.

‘Rentergratsiya nazirligi ve Tasil nazirligi birlikte qarar berdiler ki, nezaretimiz astındaki topraqlarda yerleşken VİETdaki mekteplerde balalar online şekilde oquycaqlar. Anda bulunğan ocalar dersler alıp baracaqlar. Aynı zamanda daa bir kere hatırlatam: balanı qorçalamaq içün eñ yahşı variant – onen Ukrainanıñ kontrol etkeni topraqlarğa ketmektir!’ – dep İrına Vereşçuk qayd etti.

O hatırlattı ki, ketkende meseleleriñiz peyda olsa, Reintegratsiya nazirliginiñ 24 saat işlegen sıcaq hattına 15-48 telefon etiñiz.