‘Prıhıstok’ ükümet programması mekemmelleştitile, dep ‘Rada’ telekanalınıñ canlı yayınında vitse baş nazir İrına Vereşçuk añlattı.

Birinciden, devlet içinde laınğan kişilerni vaqtınca olaraq yerleştirgen vatandaşlar ve teşkilâtlar oktâbr ayınıñ 1-inden para tazminatınıñ eki miqdarını, bu cümleden aylıq 450 grivna yerine 900 grn alacaqlar.

Bu, Ükümet ve Ukrainadaki Qırmızı Haç Teşkilâtı arasında añlaşma yardımınen yerine ketirile bilir. Tamam Ukrainadaki Qırımızı Haç Teşkilâtı bu miqdarnı ödeycektir. Bugün bunen bağlı bir memorandum imzalandı, bundan soñ da Ukraina Nazirler Kabineti maqbul bir qarar berecektir.

Ekinciden, Ükümet devlet içinde alınğan kişilerni yerleştire bilecek kişilerniñ sicili kenişletti. Devlet ve kommunal teşkilâtlarından ğayrı teşkilâtçı şahsiy kişiler, diniy teşkilâtlar ve başqaları qatılacaq. Devlet içinde alınğan kişilerni yerleştirmege azır olğan er kes.

Üçünciden, Reintegratsiya nazirliginiñ teşebbüsinen daa bir yañılıq kirsetilecek: subsidiya saylanğanda DAKni yerleştirmek tazminatı alınğan kâr olaraq sayılmaycaqtır.

‘Bu teşebbüsni destek etmesi içün İçtimaiy siyaset nazirligine açıq göñülden minnetdarmız. Şu anda tahliye etmekte olğan biñlerce insannıñ meskenge ihtiyacı bar. Ve devlet, onı bermege azır olğan er kesni destek etmeli!’ – dep vitse baş nazir İrına Vereşçuk qayd etti.