İnsanlarnıñ sayısı arta, dinamika qalın, dep ‘Rada’ telekanalınıñ canlı yayınında vitse baş nazir İrına Vereşçuk añlattı.

Tek avgust ayında ve sentâbr ayınıñ ilk künlerinde Harkiv, Herson, Luhansk, Zaporijjâ ve Donetsk vilâyetleriniñ vaqtınca işğal etilgen topraqlarından 63 biñden ziyade ukrainalı çıqtı. Bu, mecburiy tahliye çerçivesinde Donetsk vilâyetiniñ cebege yaqın rayonlarınıñ sakinleri esapqa almadan.

‘Er kün Reintegratsiya nazirliginiñ sıcaq hattına VİETdan yüzlerce vatandaşnıñ tahliye etmege yardım etmek ricasınen hitap ete. Olarğa yardım etmek içün er şey yapamız!’ – dep İrına Vereşçuk qayd etti.

Hatırlatamız ki, tahliyenen bağlı sualleriñiz olsa, Reintegratsiya nazirligine hitap etiñiz:

• 15-48 – 24 saat işlegen buhran meseleleri sıcaq hattı;
• +38 (096) 078 84 33 – çet ülkelerden ve VİETdan telefon etmek içün sıcaq hat, WhatsApp/ Telegram/Viber.