Reintegratsiya nazirliginiñ sıcaq hattına VİETdan ve cebege yaqın topraqlardan devlet içinde alınğan kişilerden ve bu topraqlarnıñ sakinlerinden hitaplar yollanalar. Bu cümleden, insanlarğa kommunalcılardan köstergiçlerni yazmaq ya da hızmetlerni ödemek talabınen mektüpler yollanalar. Faqat maqbul adreslerdeki evler duşman tarafından viran etildi ve o yerler gaz, suv ve ışıqnen temin etilmey.

Bu cümleden, Mariupolnıñ sakinleri de gaz teminatçılardan mektüpler alalar – olardan aktual köstergiçler tapal eteler. Faqat şeerniñ deyerli bütün mesken fondu viran etildi.

‘Bu vaziyet absurdlı körüne. Tüşünem ki, kerçekliklerge mücibi areket yaplamlımız, amma yazıq ki, akimiyet organları ayattan sıq sıq uzaqlıqtadır. Sayam ki, viran etilgen evlerniñ sakinlerine gaz teminatçılardan mektüpklerniñ yollanmağa kerekligini añlatmaq kerekmey… Allarda daa çoq tüşünmelimiz!’ – dep Ukraina vitse baş naziri İrına Vereşçuk vaqianı tefsir etti.

Añlatmaq ricasınen muracaat etkenimiz gaz teminat teşkilâtları, meskeni viran etilgen DAKge ya da Ukrainanıñ vaqtınca işğal etilgen topraqlarınıñ sakinlerine teminatçınıñ sıcaq hattına bu aqqında hitap etip kerekli bilgilerni bermege tevsiye ettiler. Bundan soñ şirket, gaz qullanğan kişilerniñ cedvelinden silecek.